المطبخكيف

بالصور .. طريقة تنظيف طاسة القلي المحروقة

طبعا مفيش ست بيت معندهاش الطاسه المحروقه طريقة تنظيف طاسة القلي المحروقة لحد ما تبقي بالمنظر ده

تنظيف طاسة القلي المحروقة لحد ما تبقي بالمنظر ده

ازيكم يا بنات النهاردة هننضف طاسة القلية المحروقة واللى مليانة دهون من بره طبعا شكلها يسد النفس اصلا ههههههههه
انا بطلت استخدم الومنيوم من مدة كبيرة وشغالة تيفال او سيراميك فعندى الطاسة دى مركونة قلت اجيب لكم تجربة عملى كالعادة طبعا كتيرمننا عندهم طاسة بالشكل دا

وياما حاولوا يغسلوها او ينضفوها بسلكة او منظفات كيميائية ضارة ومكلفة طبعا ومفيش فايدة انا بىقى مش هاكلفك ولامليم اصلا واحسن حل ليها انك تولعى فيها اه وربنا باتكلم جد هنولع فيها وقدامك كذا طريقة يااما تولعى فحم او لو فلاحين زى حالاتى كدا أوالح درة مثلا وتحطيها فى النار دى ولو ليها ايد طبعا هتتفك الاول او بعدماتخلصى خبيز فى الفرن البلدى تحطيها وسط النارمن تحت او السهل والمتاح طبعا لكل الناس انك هتولعى عليها وهى فاضية طبعا من غير حاجة على عين البوتاجاز وانسيها بقى نص ساعة ساعة على حسب الدهون اللى فيها تمام كدا وطبعا هتفتحى الشباك وتشغلى الشفاط هتشمى روايح ودخان طنشى واعملى نفسك من بنها عادى يعنى
وبعدين وهى سخنة خديها على الرخامة بلاش الحوض لايتسد منك واكحتى الدهون دى بالسكينة هتطلع معاكى فى ثوانى انا مااخدتش منى دقيقة والله

 

وبعدين لوفى لسه حاجة لازقة اعمليها بالسنفرة وياريت تكون خشنة من عند الموان علشان تنجز معاكى انا اللى عندى كانت ناعمة

واخيرا السلك الاستانلس وشوية صابون من الخلطة بتاعتنااو صابون بريحة او طمى مغربى لوعندك

هتلاقيها بتبرق من بره

ومن جوه

كيفية تنظيف القلايه الالومنيوم المحروقه من الخارج
نقطة اخيرة بس للتوضيح ياريت لما ننضفها يكون من جوه بس وخليها من بره عادى لان الطبقة دى بتدى سماكة اكبر للالومنيوم وتطول عمره ميتاكلش من النار والتنضيف المهم من جوه تكون نضيفة خالص يعنى مش كل مرة نولع فيها كدا مع الوقت الالومنيوم هيتاكل هى مرة مثلا لو حالتها صعبة كدا وخلاص بعدها بالتنضيف المستمر مش هتبقى صعبة
الوسوم
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أنت تستخدم إضافة Adblock

برجاء دعمنا عن طريق تعطيل إضافة Adblock